दोस्रो टी-२० मा दक्षिण अफ्रिका विजयी

इंग्ल्यान्ड  र दक्षिण अफ्रिकाबिच जारी तीन खेलको टी-२० सिरिजको दोस्रो खेलमा दक्षिण अफ्रिका विजयी भएको छ। कार्डिफमा भएको खेलमा दक्षिण अफ्रिकाले घरेलु टोलि इंग्ल्यान्डलाई ५८ रनले पराजित गर्दै सिरिजलाई १-१ को बराबरीमा ल्याएको हो।

टस हारेर पहिलो ब्याटिङ गरेको दक्षिण अफ्रिकाले निर्धारित २० ओभरमा ३ विकेट गुमाएर २०७ रन बनाएको थियो। दक्षिण अफ्रिकाका लागि रिले रोसोउले सानदार ब्याटिङ गर्दै ५५ बलमा ९६ रनको अविजित इनिङ खेले। त्यस्तै रेजा ह्यान्ड्रिक्ले ३२ बलमा ५३ रन बनाएका थिए। जवाफमा इंग्ल्यान्ड १६.४ ओभरमा अलआउट हुँदै १ सय ४९ रनमा समेटिएको थियो।

इंग्ल्यान्डका लागि भने कुनैपनि ब्याटरले अर्धशतकीय इनिङ खेल्न सकेन्न। जोनी ब्यरस्टोको ३० रन सर्वाधिक रनका रुपमा रह्यो। त्यस्तै जोस बटलरले २९ रन बनाउँदा मोइन अलीले २८ रन बनाएका थिए। अब यि दुई बिचको निर्णायक खेल ३१ जुलाईमा हुने छ। दक्षिण अफ्रिकाका लागि एडिल फेलक्वायो र तब्राइज सामसीले समान ३-३ विकेट लिएका थिए।