गाडीको ठक्करबाट सुर्खेतमा एकको मृत्यु

सुर्खेत-  गाडीको ठक्करबाट सुर्खेतमा एकजनाको मृत्यु भएको छ ।
शनिबार बिहान घाइते भएका दैलेखको डुङे्गेश्वर गाउँपालिका–५ का ४३ वर्षीय जङ्गबहादुर बुढाको उपचारका क्रममा मृत्यु भएको छ । वीरेन्द्रनगर नगरपालिका–१ टेम्पो पार्कको सडकमा उनलाई गाडीले ठक्कर दिएको थियो ।

प्रहरीका अनुसार मदिरा सेवन गरेका बुढा सडकमा सुतिरहेको अवस्थामा अज्ञात गाडीले ठक्कर दिँदा उनी गम्भीर घाइते भएको थियो ।

उहाँको प्रदेश अस्पतालमा उपचार गर्दागर्दै मृत्यु भएको जिल्ला प्रहरी कार्यालय सुर्खेतका सूचना अधिकारी तथा प्रहरी निरीक्षक दीपक मगराठीले जानकारी दिए । ठक्कर दिने गाडीको खोजी भइरहेको प्रहरीले जनाएको छ ।