कर्णाली प्रदेशस्तरीय पानी परीक्षण प्रयोगशाला स्थापना

वीरेन्द्रनगर -कर्णाली प्रदेशमा पानी प्रयोगशाला स्थापना भएको छ । जलस्रोत तथा ऊर्जा विकास मन्त्रालयलय कर्णाली प्रदेशस्तरीय पानी परीक्षण प्रयोगशाला स्थापना गरेको छ । पानी परीक्षणको काम व्यवस्थित अत्याधुनिक भवन निर्माण गरी तत्काल सुरु गर्न लागिएको ऊर्जामन्त्री गशेशप्रसाद सिंहले बताए । पानी परीक्षण गर्न मोबाइल भ्यानको व्यवस्थापनसमेत गरिएको छ । मन्त्रालयले १० जिल्लमा किट बक्ससहितको पानी जाँच गर्ने उपकरण पठाएर शुद्ध पानीको मापनको काम सुरु गर्न निर्देशन दिएको छ ।

मन्त्रालयले दुई करोड रुपैयाँको लगानीमा लगानीमा प्रयोगशाला राख्नकालागी भवन निर्माणको काम सुरु गरेको छ । १० जिल्लाको खानेपानी तथा सरसफाइको अवस्था एकैपटक पत्ता लगाउन र सूचना आदान प्रदान छिटो छरितो सम्प्रेषण गर्नका लागि एनवास एप्लिकेसन प्रशिक्षक तालिम सुरु गरेको मन्त्रालयले जनाएको छ । कान्तिपुर दैनिक बाट