प्रजातन्त्रवादी प्राध्यापक संघको महाधिवेशन चैतमा

काठमाडौं – प्रजातन्त्रवादी प्राध्यापक संघ नेपालको महाधिवेशन आगामी चैतमा  काठमाडौंमा हुने भएको छ।

काठमाडौमा बसेको सङ्घको केन्द्रीय समितिको बैठकले चैत ११ र १२ गते महाधिवेशन गर्ने निर्णय गरेको हो। सङ्घका सचिव डाक्टर विष्णु पोखरेलका अनुसार क्याम्पस एकाइ अधिवेशन फागुन मसान्तभित्र सम्पन्न गर्ने कार्यतालिका बनाइएको छ।

त्यसैगरी चैत्र ५ गतेभित्र महाधिवेशन प्रतिनिधि, एकाइ समितिको नामावली, साधारण सदस्यको रसिद सहितको नामावली र शुल्क केन्द्रीय कार्यालयमा पठाउनु पर्ने उनले बताए।

पटक पटक स्थगित हुदै सर्दै आइरहेको महाधिवेशन अहिले भने हुने सुनिश्चित भएको छ। महाधिवेशन विधानको तोकिएको समयावधिभन्दा धेरै ढिला गरी हुन लागेको हो।