जाजरकोट जिप दुर्घटना, दुईको मृत्यु
सुर्खेत , पुस २५ गते । जाजरकोटमा जिप दुर्घटना हुँदा दुई जनाको मृत्यु भएको छ भने तीन जना घाइते भएका छन्।
छेडागाड नगरपालिका–८ को घोगीदेखि थलहतर्फ जाँदै गरेको जिप नाउरीघाट भन्ने स्थानमा दुर्घटनामा परेको स्थानीयले बताएका छन्।
दुर्घटनामा परी सोही स्थानका २५ वर्षीय राजु अधिकारी र ६५ वर्षीय नन्दकला अधिकारीको घटनास्थलमै मृत्यु भएको जिल्ला समन्वय समिति जाजरकोटका सदस्य तथा स्थानीयवासी कृष्णप्रसाद शर्माले जानकारी दिए ।
जिपमा चालकसहित पाँच जना सवार रहेकोमा अन्य दुई जना यात्रु र चालक घाइते भएका छन्। अघाईतेहरुलाई उद्धारगरी छेडागाडनगर अस्पतालमा उपचारकालागी पुर्याईएको बताएकाछन ।
जिल्ला प्रहरी कार्यालय जाजरकोटका प्रमुख डिएसपी वसन्तकुमार शर्माका अनुसार दुर्घटनाको खबर प्राप्त हुनासाथ प्रहरी टोली घटनास्थलतर्फ पठाइएको छ। घटनाबारे विस्तृत विवरण संकलन भइरहेको प्रहरीले जनाएको छ।
परिवर्तन संवाददाता
२५ पुष २०८२, शुक्रबार १४:२७